Sirine_47222 sur Sekritoo — Questions ❓

Questions ❓

بعد تخمام كبير قررت أنو نحكي حكايتي باهي اناا مرا عمري 35 سنة جات فترة قبل فالمراهقة ادمنت على العلاقات مع الاولاد غلطت برشاا مرات ورغم كنت عارفة روحي غاالطة لكنني واصلت باهي بقيت عالحالة هذيكا برشا لين نهار تعرفت على شخص عرفتو حبني وحبيتومالاول محبيتش نصاارحو بحتى شي قلت لين نعرفو اكثر وبعد توا نحكيلو أحسن ياخي عدينا مع بعضنا عام وبعد قالي لي هو يحب يتقدملي وبالفعل هذاكا اللي صار جا خطبني فرحت انا منكذبش عليكم وبلحق كان معاايا رااجل ف كل شي ووقف معايا برشاا مرات حبني هو برشاا وأنا زادة ولكن كنت حاسة روحي نخدع فيه هكاكا لين نهار قررت أنو نحكيلو ويا ليتني م عملت مالاول تقبلها الحكاية وبعد ماراعني إلا وهو زادة ولاا كيف كيف ولكنني وافقت ومشيت معه فالخط وصلت اصلاا حبلت منو وطيحتوكنت كل مرة نوهم روحي أنو موش باش يخليني لين فالاخر الكل طلع كلامي الكل غالط على ابسط اختلاف صار بيناتنا بعد عليااا وجرحني بكلامو برشاا وأنا من وقتها دخلت ف دوامة متع خوف وبرشاا احاسيس تخلطت عليا خسرت كل شيء دارنا خدمتي وخسرت برشاا حاجات تسكرت الدنيا ف وجهي معش حاسة بشيء وليت نرقد ونقوم بالدوايات عديت عند برشاا طبة نفسية ولكن شيء م تبدل منجمتش نتحسن بالعكس كل نهاار نعيشو نزيد نتعب واحلامي كلها كوابيس خاصة حكاية الحمل أثرت فيا برشاا شنعمل انصحوني

Posté par Sirine_47222 le 2025-08-17