Manel_17642 sur Sekritoo — Questions ❓

Questions ❓

حبيت نحكي حكايتي اليوم لعلها تكون عبرة و البعض يستفادو منها.
أنا طفلة عمري 24 سنة طول حياتي حدي حد روحي متربية بنت عائلة و قراية الحمد لله. اموري الكل مريقلة الا ان دخلت للفاك و حبيت راجل ،،، مكانش حب كان هبال كان حاجة منجمش نوصفها كنت مستعدة نضحي بأي حاجة في سبيل يقعد معايا اكهو. تعذبت برشا كنت ديما نغفر و نسامح تقصيرو معايا و نقول ميسالش ، كنت أنا آخر حاجة يهتم بيها معرفتش علاش شنوة السبب الي يخليه مسترخصني هكا بالرغم مزيانة مناقصني شي. كان ديما يمشي وخليني مغير سبب و يتحجج بالضروف و الخدمة و أنا كنت متغشش منوو و مبعد نرضى ،، بكيت برشا و تألمت برشا و تجرحت برشا برشا. وصلت حتى دوبلت عام خاطر نفسيتي تعبت برشا . و مشيت لطبيب نفسي ،، حبيتو اكثر من الدنيا الكل و كنت مستعدة نموت على خاطرو. حبيتو برشا و عمري لا خذيت منو شي و صدقوني اربعة سنين لا نعرف اشعندو و شمعندوش منعرش حتى شهريتو قداش خاطر ماكنش يهمني الحاجات هذي المهم هو يكون معايا الباقي لكل موش مهم. بقيت عالحالة هذي 4 سنين الا ان تعرفت على واحد عراقي ،، كان باش يبوس القاعة الي نمشي علاها باش نرضى عليه و في الوقت هذا كنت سياي تيقنت الي حبي للآخر حب من طرف واحد و عمرو ماهو باش يوصلني لبلاصة . قررت نستفيد مالعراقي هذا قلت أنا كنت ديما نضحي و نبكي على خاطر شخص و مطلبت شي جاء الوقت الي نولي أنا نستغل في الناس. قررت نستغل العراقي هذا و نولي بنت حرام و يزي ما كنت بنت اصل و نحب بقلبي و جواجيا. الحقيقة خذيت منو حاجات العراقي الي ان اليوم مشيت معاه للدار حب على حاجات بحكم معنديش تجربة و عمري ما عملت قبل رفضت . طردني مالدار و قلي ماليوم معادش نكلمك والي بيني و بينك وفى. الي غاضني موش كي مشى الي غاضني الي حطيت روحي في مكانة بنات الشوارع وليت ندخل الديار و نطرد و نتلوح في الشارع هذا الكل خاطر حبيت يوم شخص خلاني ووليت أنا زاهدة في روحي و في كرامتي. الي كل طفل يقرا ميساجي هذا بربي لا توجع وحدة حبتك بربي لا تأذي قلب حبك ،، بربي لا تخلي طفلة حبتك تتحطم و تبكي . والي كل طفلة تقرأ في كلامي بربي لا تخلي حب راجل يحطمك و كون قوية و متذلش روحك 😢

Posté par Manel_17642 le 2023-02-20