Akram_40082 sur Sekritoo — Confessions 🤫

Confessions 🤫

اليوم باش نحكي على حاجة بسيطة على لخر أما أثرها كبير حبيت نقول مافاها باس كان نطيبو خاتر بعضنا بالكلمة الطيبة و رد بالك نهار تحسبها مع حد حتى شخص عمل معاك الخايب كافيه بالباهي و أعمل معاه الخير و عند ربي خير،
أنا متعدي في الطريق نلقى بنية تبكي مركزتش معاها برشا خاتر كنت نزرب بحكم معادش بكري أما شد إنتباهي حاجة لبنية كانت تبكي بطريقة موش عديا خفت ليشدها كريز فتها و رجعتلها و أنا عندي في جيبي كعبات شكلاطة صغار ،حطيتلها كعبة شكلاطة ومشيت عطيتها و تعديت عيطتلي و بالحق geste أثرت فاها رغم انها بسيطة و تبانلك حاجك عادية أما أثرها كبير فرحتها على لخر وقتها أنا فرحت كيف ريتها رجعت فاها الروح، اليوم كيف رتني أنا والله ما عرفتها خاتر مركزتش في وجها نهارت للقيتها جتني تعنق و قتلي كلام محلاه على لخر شنيا فايدتها لحكاية لحكيتها موش معاناها باش نوري روحي ما كيفي حد و عملت إنجاز كبير لا حكيتها خاتر geste بسيطة تنجم تبدل mood عبد و راو كيف نفرحوا بعضنا بحاجات بسيطة تكون خليت بصمة لإنسان محلاها و فرحتوا باها و هذي الحاجة الأهم أفهموا بعضكم و حسوا و قدروا بعضكم ..🌺💙
#o🌺💙
@tout le monde 🇹🇳

Posté par Akram_40082 le 2023-02-24