Akram_40082 sur Sekritoo — Confessions 🤫

Confessions 🤫

ماااهيش الحاجات الكل تتشرى بالفلوس .. فما حاجات أحلى و خير ملفلوس وما يتكلفوش .. كيف الكلام اسمح، سامحني و ما قصدتش ودعوة صادقة مالقلب .. مازال عندي اقتناع اللي اكثر حاجة تنجم تأثر فالعبد هي الكلمة الطيّبة خاطر الكلام الباهي دواء حطّو عالجرح يبرا ..الفرحة اللي تحسها كي تهز عبد من سابع ارض لسابع سماء من كلمة وحدة .. اللمعة اللي تراها في عين انسان كان مهموم... وسمع كليمة سمحة ردّت فيه الروح و عطاتو موجات ايجابيّة اللي الدنيا كيما فيها الخايب فيها الباهي ..كي تتبسّم في وجوه الناس .. كي تشكر حد على حاجة مهما كانت بسيطة ... كي يلقوك وقت الشدّة ،وقت المرض ، وقت الدنيا الكل تكون ضدّك... حاجات تخليك ديما فرحان و ديما تكون انت النقطة اللي يخرج منها الضوء متاع الامل اللي مازال الخير فالدنيا
وناس بكري قالو الكلام الزين يتِّدفع فالدين 💙

Posté par Akram_40082 le 2023-03-06