Ranim_67347 sur Sekritoo — Questions ❓

Questions ❓

نحب ناخو رايكم في حاجة.
انا امي و بابا طلقو عندهم سنين و امي عندها الحضانة.
امي كانت و مزالت مرا خايبة برشا، تعنف جسديا و نفسيا، تذلنا على الفرنك، تسرق في فلوس جدتي الي هي امها، تسرق في فلوس الناس تتسلف منغير اوراق مبعد تخسر عالي تسلفت من عندو معنديش، خواتي يخدمو تحب تاخو فلوسهم، حتى من الشرك بالله وصلتلو تقرا في كتب السحر و تسحر اصلا، مرتين اللطف عليكم نلقاها كاتبة على حاجة : مرة كاتبة على تصويرة راجل ماشي في بالها بش ياخوها، و المرة الثانية و العياذ بالله كتبت القرآن منغير نقاط على الحروف و شدت طرف من شعر اختي و لفتو في كاغط و حطتهم بحذا بعضهم، وصلت زادة دخلت علينا راجل للدار يكحل عليا انا و خواتي و هي عادي عندها.
اللطف شيطانة في جسد انسان، حتى كي تذكرها بالآخرة فماش ما تتوب ما تسمعش الكلام.
قولولي شنعمل؟ ما تقوليش تحمل و امك خاطر شرعا هي مرتدة عن دين الله ، يسقط على الأبناء برّها و حقنا منسكنوش معاها أصلا أما ما باليد حيلة، بابا عنا سنين مانعتنا عليه و منعرفوش حتى est ce que عبد باهي و إلا خايب.
حبيت نذكر نقطة انو عندي مدة قاعدة نلم عليها في ادلة قانونية الي هي تمارس في ضغط مادي و معنوي و يوصل حتى عنف جسدي عليا و على اخواتي ( الي فيهم شكون اقل من 18 سنة).

Posté par Ranim_67347 le 2026-01-11