Emna_76444 sur Sekritoo — Histoires drôles 😂

Histoires drôles 😂

بعضشهرين و نص ممكن شويا بالنسبة لبرشا اما بالنسبة ليا كانو كافين انو نحس فيهم معاه برشا حاجات كانو كافين انو نحبو فيهم و نستناه كل ليلة يكلمني و نرقد على صوتو و نفيق على صوتو كان حتى صوت شخيرو يعجبني و صوت النفس متاعو نحسو كينو حذايا شهرين و نص متقابلناش فيهم اما كنت نحس فيه معايا ستانست بيه و منجمش نكمل نهاري من غيرو كنت نستناه كالطفلة الصغيرة
هوا كان كيما نقولو لا نحبك لا نصبر عليك كل ليلة يكلمني دوب ميكمل الخدمة و نرقدو مع بعضنا كان فالنهار ميسألش عليا و كنت نعرف عليه كل شي و منعرف عليه شي اما حبيتو كنت نحس لي فما حاجة موش هيا فالحكاية اما قلت خليني نكمل محتاجتو في حياتي
آخر ليلة حكينا فيها كلمني ضحكنا و فدلكنا و بعد قالي بش نغيب جمعة ضحكت و قتلو بش تعرس قالي لا صلي عالنبي و بعد نهارين بلوكاني و بلوكا صاحبتي خلاني عالواتساب بش نشوف تصويرة عرسو كان جمرة و كواتني في قلبي حسيت روحي رخيصة حسيت روحي بنت حرام عدا بيها وقيت و بعثها اما في هذا لكل كان ديما يقلي معندي حد كان وقتو لكل معايا
مشا و خلالي كان صوتو و حديثنا مشا خلالي برشا أسئلة امنيتي نهار يجاوبني عليهم
انا منيش مسامحتو لا دنيا لا آخرة و كان يبقى بينو و بين الجنة سماحي منسامحش الخذلان لي حسيت بيه و عالوجيعة لي خلاها لي

Posté par Emna_76444 le 2023-03-16