Jihene_18795 sur Sekritoo — Questions ❓

Questions ❓

عسلامة و صحة شريبتكم، بربي عندي مشكله متعبتني برشا أني و راجلي قصة حب كبيرة. برشا عمرها عشرة سنين فيهم عامين عرس. عشرة. سنين كلها كفاح و تعب و خدمة. تمرمدنا و كونا و خدمنا وحدنا و سافرنا و كونا رواحنا وحدنا واحنا الزوز متعلقين ببعضنا لدرجة كبيرة في العائلة و أصحابنا كلهم يعرفوا قداش متعلقين ببعضنا و يضربوا بينا المثل في الكفاح والعمل. المهم اني توة عامين عرس فيهم ثلاثة شهور برك مع راجلي توة هو سافر واني بطبيعتي في بلاد أخرى زادة لين يحضرلي أوراقي و نلحق عليه اما خايفة برررررررررررررررشا من مسألة جيبان الصغار ديما عندي هلواس اني مانيش باش نحبل. اني مللي سافرت من تونس زاد وزني برررشا وصلت ل 100 كيلو وولى عندي تكيس مبايض و راجلي نحبو و نحب اول مانتقايلو نفرحو بصغير و اني زادة نحب نجيب صغير لكن خايفة من العقم بسبب الوزن الزائد. ديما نحلم بروحي اللي اني مانيش باش نجيب صغار وزيد العمر أثر فيا توة. عمري 34 سنة . بربي قولولي شنية نعمل حرت. خممت اول مانقابل راجلي مانضيعش وقت طول نمشي لطبيب و نعملو طفل أنبوب حاسة روحي باش نمرض الموضوع متعبتني برشا و خايفة. لا نتحرم من الصغار. بالله عليكم ادعيولي نفرح ونفرح راجلي بصغير و اللي عندو حل ولا دكتور ممتاز جدا جدا جدا يقولي عليه. ربي يحفظكم الكل

Posté par Jihene_18795 le 2023-03-23